Drøfting
Det er komne nokre innspel frå foreldre som meinar dei har rett på skuleskyss der skulen meinar dei ikkje har det. Dette er tilfeller der born har rett på skuleskyss, men at skulen meinar dei mister denne retten når dei har plass på SFO (uavhengig av om dei nyttar tilbodet til SFO eller ikkje),
Vedlegg
- Svar frå Skyss
Les
Hei,
Takk for at du har tatt kontakt med oss.
I utgangspunktet har alle elevar med rett på skuleskyss, rett til dette dei dagane dei ikkje nyttar SFO. Dette gjeld både morgon og ettermiddag og uansett kva transportmiddel som blir nytta til å utføre skuleskyssen. Dette føreset at det er ein fast plan for når eleven nyttar SFO.
I tilfelle der eleven ikkje har ein fast plan for når dei er på SFO og det er litt tilfeldig kva dagar dei nyttar seg av dette tilbodet, kan det likevel vere at retten til skuleskyss utgår. Dette gjeld i hovudsak elevar som har tilrettelagt skyss med drosje, då vi er avhengige av ein fast og føreseieleg plan for å kunne organisere tilrettelagt skyss. Dette fordi skuleskyss med drosje er basert på samkøyring av elevar.
For elevar som reiser med buss til/frå skulen vil dei kunne nytte seg av det eksisterande tilbodet dei dagane dei ikkje er på SFO. Det lettaste er at skulane melder dei inn med skyss tur-retur kvar dag om ein ikkje har faste dagar å halde seg til.
Føresette som køyrer barna sine sjølv mot refusjon (dette må vere søkt inn og godkjent på førehand) vil få refusjon for utført køyring når dei køyrer eleven til/frå skulen, sjølv om det varierer når dei nyttar seg av SFO. Dei har ikkje rett på refusjon for dei dagane dei køyrer eleven til/frå SFO. Når føresette fyller ut refusjonsskjemaet må dei derfor trekke frå dei dagane eleven har nytta SFO.
Ta gjerne kontakt om noko er uklart eller om du har fleire spørsmål.
Ønsker deg ein fin dag vidare!
Med venleg helsing
Skyss
Tel. 55 55 90 70, tasteval 2 (skoleskyss)
Skyss | Postboks 7900 | 5020 Bergen
skyss.no/skoleskyss
Vedtak
Lars Jonas sender ein mail til skyss om dette:
Hei
Vi har fått ein situasjon/spørsmål ang skuleskyss frå foreldre.
Gitt siituasjon:
Ein elev har fått/ har rett til skuleskyss.
Ungen har plass i SFO før og etter skulen.
Foreldrene jobbar turnus/uregelmessig; det er difor ikkje slik at eleven nyttar seg av SFO-tilbodet kvar dag.
Spørsmåla til dykk er då:
1) Har eleven framleis rett til skuleskyss TIL skulen dei dagane han ikkje nyttar SFO på morgonen?
2) Har eleven framleis rett til skuleskyss FRÅ skulen dei dagane han ikkje nyttar SFO etter skulen?
3) ...eller mistar elevar rett til ordinær skuleskyss når dei har plass i SFO, uavhengig av om dei nyttar plassen på SFO?
Lars Jonas Pedersen
FAU ved Høyanger skule