Sak: Klassetrivselsundersøkinga (haust 24)

Drøfting

Om undersøkinga
Marianne gjekk gjennom premiss og rammer for undersøkinga. Det er fleire spørsmål frå undersøkinga som ikkje viser, då det er personlege spørsmål som kan identifisere elevar.

Marianne sender eit utdrag av funn som kan delast med alle / offentleg. Desse legg vi ut saman / i referatet.

Skilnaden frå elevundersøkinga: Klasstrivselundersøkinga ikkje er anonym – slik som elevundersøkinga. Det er eit verktøy der vi kan gå direkte inn på utfordringane vi avdekkar på individnivå.

Utval av spørsmål er gjort av Marianne og Odd Willy frå ein spørsmålsbank som ligg i løysinga.

Om gjennomføringa av denne undersøkinga:
Elevundersøkinga seier meir om det store bildet, men gir ikkje mulighet til å ta dette ned på individnivå. I denne undesøkinga kan elevane grunngi med tekst – det kan dei ikkje i elevundersøkinga.

Vidare arbeid med resultatet:
Resultatet blir ikkje sett på agendaen i klassane - men elevane blir involvert via. elevråd slik at representantane der tek det vidare med seg ned i sin klasse.


Refleksjonar over resultat:

Rektor: Elevane »fell litt meir på plass» på ungdomstrinnet. Meir grensetesting og utprøving av språkbruk i 5-6-klasse.

Odd Willy: Vårt inntrykk er at elevane set pris på å få svare på spørsmåla.

Ida: Vi brukar resultatet til justeringar i undervisning/opplegg som fokuserer på utfordringar som underøkinga avdekker.


Innspel / drøfringar:

Gaute: Skulle der vore samanlikna/sett trendar i frå føregåande år?
Marianne: Det har vi ikkje gjort – men det er om lag dei same spørsmåla kvart år.

Lars Jonas: Blir det gjort ein sjekk opp mot at svar samsvarar med situasjonen/situasjonar i klassane ein er klar over, t.d. tiltaksplanar: Gro: Nei, men dei overordna tala samsvarar i det heile med tal tiltaksplanar skulen har.

Blir dette omsett til konkrete tiltak/fokus?
Svar: Open aula på ungdomsklubben er eit av trivselstiltaka som konsekvens av undersøkinga-

Jeanette: Kunne det vore eit poeng å presentere og engasjere klassane i spørsmåla og resultatet frå undersøkinga?
Marianne: Elevrådet jobbar med resultatet.
Ida: Det blir veldig synleg om vi viser grafane, men vi tek opp dei store trendane i klassane.

Vedlegg

• Skulen si oppsummering av undersøkinga til foreldre Les
  Klassetrivsel hausten 2024
  
  Det er jamt over oppløftande og positive resultat av Klassetrivsel, gjennomført for 5.-10.trinn - hausten 2024. Dei aller fleste elevane ved Høyanger skule trivast godt, har gode vener og har det bra på skulen. Det er likevel enkelte saker av bekymring som må jobbast vidare med. Resultata frå undersøkinga har blitt presentert klassevis for kontaktlærarane, og drøfta med teamet. Resultata vart presentert for SU 11.02.25.
  
  Her kjem ein kort oppsummering av tema vi har vore innom:
  
  
  Venskap:
  I fylgje undersøkinga, visar det at det store fleirtalet av elevane opplever at dei har nok vener i klassen sin. Berre eit fåtal svarer at dei ikkje har det. Nokre av dei som har svart at dei ikkje har nok venar i klassen, oppgir at dei har vener i andre klassar.
  
  På spørsmålet om dei får lov å vere med å bestemme i klassen,
  fekk vi ganske varierande svar, og det opplevast nok ganske ulikt frå elev til elev. Vi kan likevel lese ut frå diagrammet, at fleirtalet synast at dei får vere med å bestemme «ein gang imellom». Ganske stor andel svarer ôg at dei sjeldan får bestemme, medan ein mindre andel meinar at dei får bestemme ofte eller veldig ofte. Dette går på elevane si oppleving av medverknad i klassen.
  
  
  Kommunikasjon og digital danning:
  Det største fleirtalet oppgir at dei ikkje har motteke ubehagelege meldingar det siste halve året. Vi ser likevel at det på ungdomstrinnet er ei stor auke. Der svarar nær halvparten at dei har motteke minst 1-2 ubehagelege meldingar det siste halve året. På mellomtrinnet er det omtrent ein fjerdedel. Undersøkinga seier ingenting om kven som sender desse meldingane. Gjennom undersøkinga viste det seg at ein av klassane skilte seg ut, med betydeleg fleire mottatte ubehagelege meldingar enn dei andre klassetrinna. Dette er eit eksempel på informasjon som blir vidareformidla til klassekontaktane, og som dei deretter kan ta tak i.
  
  
  Eleven og friminutta:
  Her var det veldig positive resultat, der det store fleirtalet av elevane på alle trinn oppgir at dei veldig ofte eller ofte har noko å gjere på i friminutta.
  
  Dei aller fleste elevane oppgir òg at dei veldig ofte eller ofte har nokon å vere med i friminutta. Dette gjeld både på ungdomstrinnet- og mellomtrinnet. Berre nokre få prosent oppgir at dei sjeldan eller ein gong i mellom har nokon vere med.
  Samstundes ser vi at det store fleirtalet sjeldan opplever at dei ikkje får vere saman med dei andre i friminutta. Det er litt fleire på barneskulen enn ungdomsskulen. Dei elevane som opplever at dei ikkje får vere saman med andre, blir sjølvsagt drøfta med kontaktlærarane, for å finne årsak og løysingar.
  
  Språkbruk i klassen:
  Mange elevar oppgir at dei opplever eit stygt språk i klassane. Det er mest banneord, men òg ein del generelt stygt språk og nedlatane kommentarar. Det varierer ein del frå klasse til klasse korleis dei opplever det. Dei aller yngste og dei aller eldste er dei som seier at dei opplever minst stygt språk i klassen.
  
  
  Uro i klassen:
  Det er veldig varierande kva elevane har svart her. Det kan forklarast med at det er stor variasjon over kva kvar enkelt elev opplever med støy, og evne til å stenge lydar ute. Vi ser at det er litt fleire på mellomtrinnet som oppgir at dei ofte eller veldig ofte blir uroa i timane. Elevane har oppgitt at den største grunnen til uro i klassen, er at andre elevar snakkar i timen.
  
  
  Trivsel i klassen:
  På spørsmål om dei kjenner seg som ein del av fellesskapet i klassen, er det mellomtrinnet som kjem best ut. Det er likevel ein bekymringsstor andel som svarar aldri, sjeldan eller ein gong imellom. Dette aukar enda meir på ungdomstrinnet. Der er det svært mange elevar som oppgir at dei sjeldan eller aldri føler seg som ein del av felleskapet. Dett er er informasjon som må takas på alvor, og jobbas med.
  
  På spørsmål om dei vert mobba på skulen, er det fleire på mellomtrinnet som oppgir at dei «veldig ofte» eller «ofte» vert mobba på skulen, i forhold til dei på ungdomstrinnet. På ungdomstrinnet oppgir ca. tre fjerdedelar at dei aldri vert mobba. På mellomtrinnet er det ca tre fjerdedelar som oppgir at dei veldig ofte, ofte eller ein gang imellom blir mobba. Resultata blir drøfta med lærarane i kvar klasse for å sjå om det ligg bekymring rundt dei enkelte funna.
  
  Eleven og lærarane:
  Når det går på relasjonane mellom lærarane og elevane, er det svært gode resultat. Dei aller fleste elevane oppgir at lærarane høyrer på dei «veldig ofte» eller «ofte» dersom dei vil fortelje dei noko viktig!
  Elevane oppgir òg at lærarane er flinke til å hjelpe dei dersom dei synast noko er vanskeleg, og at dei for det meste får den hjelpa dei treng i timane.
  
  
  Marianne Sæbøe, miljøterapeut v/ Høyanger skule.
  
  Last ned originaldokument