Tema:

Bygg

• 26 Jan 2023, FAU, Høyanger skule >

  Skulekjøken

  Drøfting

  FAU sende 21. november inn innspel til budsjett (velegg):
  
  Vi fekk mail frå rektor 1. desember om at dette både var for tidleg og til feil mottakar (vedlegg).
  
  
  Likevel fekk vi gjennomslag for nytt skulekjøken. Dette vart vedteke i kommunestyret, då Arbeidarpartiet kom med framlegg og fekk dette vedteke inn i budsjettet. Her er video frå då framlegget vart framført (frå ca 3:52:30):
  
  
  Vi fekk oppdatert info om framdrifta frå kommunen 25. januar:
  
  Så langt har vi hatt ein gjennomgang med faglærar i heimkunnskap om utforminga av kjøkkenet og omfanget. Vi prøver no å utarbeide ein førespurnad som gir oss det kjøkkenet vi har behov for.
  
  Målet er å starte rivinga av det gamle i midten av mai slik at det nye kan monterast i juni. Dette er sjølvsagt avhengig av førespurnad og leveringstid frå leverandør.
  
  Bjørn Løkeland
  Driftsleiar, Høyanger Kommune
  

  Vedlegg

  • Mail frå rektor 1.. desember Les
    Fra: Gro Nes Hommedal Dato: tor. 1. des. 2022 kl. 08:49
    Emne: VS: Budsjettinnspel
    Til: Jeanette Walsvik
    
    
    Hei
    
    
    De var litt tidleg ute med budsjettinnspela, og til feil mottakarar. Formannskapet sitt framlegg til budsjett 2023 og økonomiplan 2023 – 2026 blei offentleg 23. november. Merknader sendast postmottak i kommunen, innan 07.12.22. Sjå utfyllande informasjon på kommunen si heimeside:
    
    Offentleg ettersyn - Budsjett 2023 og økonomiplan 2023-2026 - Høyanger (hoyanger.kommune.no)
    
    Helsing
    
    Gro
  • Budsjettinnspel frå FAU 21. november Les
    Fra: Jeanette Walsvik
    Sendt: måndag 21. november 2022 12:09
    Til: (Formannskapet)
    Einar Rysjedal; Petter Sortland; Eirin Borlaug Geir Helge Østerbø; Kristin Sagerøy
    Kopi: Gro Nes Hommedal
    Emne: Budsjettinnspel
    
    
    Hei
    
    Her er budsjettinnspill fra FAU Høyanger skule.
    
    Mvh. Jeanette Walsvik
    
    
    ----- INNHALD FRÅ BREV -------
    
    
    

    Innspel til budsjett frå FAU på Høyanger skule

    
    
    

    Skulekjøken

    
    I dialogmøte på Høyanger skule i mai der det var både politikarar, kommuneleiing,
    skuleleiing, tillitsvalde og elevråd - var det frå alle partar semje om at pri 1 når det gjeld investeringar på Høyanger skule er skulekjøkken. Dette vert teke opp att i politikarane si evaluering av dialogmøtet (Utval for oppvekst 11. november 2022). I sakspapira ser det slik ut:
    
    I SU 27. oktober tok vi opp med oppvekstsjef korleis vi/foreldre kan involverast og få innsikt i budsjettprosessen. I referatet startar saka «Budsjett og budsjettprosess» slik:
    
    Baḱgrunn (Sak meldt inn av FAU)
    FAU ynskjer å vera involvert i budsjettprosessen på skulen – og ynskjer ein open
    prosess. FAU etterspør også om der er gjort endringar/utvikling for å sikre involvering
    frå tilsette, foreldre og elevar i budsjettprosessen når det gjeld budsjettpostene på
    bygg og uteområde. Desse ligg under drift og vedlikehald (DV) – og ref. dialogmøte
    har informasjon og involvering i bruken av desse vore mangelfull.
    
    Oppvekstsjef:
    Alle ansatte er invitert til å komme med innspel til einingsleiarane/rektor. Desse samlar vi inn og samlar i ei fellesmatrise for prioritering. Elevar og foreldre har ikkje vore involvert i denne prosessen. Prioriteringsmatrisa er eit internt arbeidsdokument
    som foreldre/FAU ikkje får innsyn i. Foreldre og elevar kan kome med innspel til budsjettet når det er på høyring.
    
    
    No ligg framlegg til budsjett og økonomiplan til høyring. Vi kan ikkje sjå at det vi alle var einige om ang. skulekjøkenet, verken ligg i budsjett 2023 eller økonomiplan mot 2026.
    Kjøkenet er på overtid og er heilt ferdig oppbrukt. Dei tilsette og elevar har venta og blitt fortalt at nytt kjøken er “på veg” i snart 10 år. Vaktmeister har utarbeida både utkast til
    løysing og kalkyle (ca 300 000) av nytt kjøken. I og med at utarbeidinga av budsjettet og prioriteringane er ein lukka prossess vi ikkje får innsyn i – kan det hende at skulekjøken har vore oppe og er ferdig drøfta. Men vi ynskjer då gjerne ei attendemelding om kvifor
    skulekjøken ikkje er med i økonomiplanen.
    
    
    

    Leikeutstyr

    
    Ein annan merknad vi har til økonomiplan er at der frå 2023 er avsett 250’ til “Leikeutstyr barnehagar”. Det er ikkje avsett tilsvarande midlar til skule. Dette bør inn i budsjettet der er behov både for fornying og etterslep.
    
    

    Budsjettprosessen

    
    Vi ser også at utdanningsforbundet uttalar i drøftingsprotokollen uttalar: Det har ikkje vore møte med oppvekstsjef kring budsjett og økonomiplan. Vi er difor (framels) bekymra, slik vi ved fleire høve har ytra, om at budsjettprosessen i oppvekstsektoren manglar involvering og transparens. Om det manglar skikkeleg involvering av lærarar, foreldre og elevar i prosessen, er der ein veg å gå. Vi håpar det blir sett fokus på å utvikle denne prosessen.
    
    Vi har ikkje funne noko informasjon på heimesida om korleis innspel til budsjettet skal/kan
    leverast; så vi må be om orsaking om vi ikkje har fulgt det ideelle spor.
    
    
    
    Beste helsing
    FAU ved Høyanger Skule

  Vedtak

  Jeanette sender mail om hjelpemiddelsentralen
  
  Vi ynskjer gjerne å sjå teikningar når dei er klare. Det er spanande :-)

• 09 Nov 2022, FAU, Høyanger skule >

  Skjeggkre

  Drøfting

  Etter sak i FAU 17. oktober sendte vi førespurnad til skulen om rapport om skjeggkre. No har vi fått rapporten, samt ei lita oppdatering frå vaktmeister om status pr. i dag (som vi fekk. ism. ein skuleklasse som overnatta på skulen).

  Vedlegg

  • Status frå vaktmeister Les
    Hei
    
    Ja det vart oppdaga ein del kryp spesielt i kjellar-etasjen på ungdomsskulebygget, der dei hadde ‘’reiret’’ sitt vist ein kan kalle det for reir.
    
    Status no etter behandlinga, er svært lite / ingen observasjonar generelt over heile bygget, så det ser foreløpig ut til at behandlinga har fungert som den skal. Ein del av behandlinga, er at Agila kjem att og fyller på med ‘’åte’’ 6 mnd etter første behandling, altså rundt nyttår meiner eg, samt ein tredje gong til sommaren igjen.
    
    Denne ‘’åten’’ dei legg ut, gjer dei i driftstid, og er heilt ufarleg for oss mennesker.
    
    Det skal seiast at det er ungdomsskulen og administrasjonsbygget det i større grad er observert dyr, men det er ingenting i vegen for å være påpasselege også i barneskulebygget. Sidan vi har i dei to andre bygga, er det jo nærliggande å tru at vi har i barneskulebygget og, men eg har ikkje observert eit einaste dyr på barneskulebygget på mine ‘’vandringar’’.
    
    Det eg kan komme på som ein kan ha i tankane for å være enda sikrare, er at ein har sekkar / baggar ståande oppå eit bord eller liknande for å unngå å være maks uheldig gjennom natta.
    
    Men som sagt så ser vi ingenting av det no, og tidlegare overnattingar som har vore før behandlinga har vore problemfritt når det gjeld desse småkrypa.
    
    Mvh
    
    Steffen
  • Rapport frå skadedyrskontroll Les
    Har idag åtebehandla 2 bygg på Høyanger skule mot skjeggkre. Høyanger ungdomsskule åtebehandla kjelleretasje, samtlige 3 etasjer med klasserom og loft med blant annet ventilasjonsanlegg. Administrasjonsbygg med kjeller og 2 etasjer med kontor og div samt SFO del.
    Observert relativt mange skjeggkre i papirfeller satt ut på egenhånd, anbefaler ikke bruk av papirfeller de første månedene. Da får man mindre ut av sekundærforgiftninga med tanke på at skjeggkre eter hverandre.
    Ny åtebehandling vil bli gjennomført om ca 6 måneder.
    Tiltak man burde prøve å bli bevist er å tømme pappavfall oftere og helst før det blir fult. Papp som ikke skal brukes kastes direkte som avfall. Mange har små plastdunker til pappavfall og dette er bra, det er ikke bra å bruke papp til å samle papp i.
    Legg gjerne noe under papp som skal oppbevares over lengre tid, eks kopipapir og lignende.
    
    Last ned originaldokument