Tema:

Samarbeid mellom FAU og skule-/kommuneadministrasjon

• 26 Jan 2023, FAU, Høyanger skule >

  Førespurnad om klasselister, oppdatert status

  Drøfting

  FAU har sendt førespurnad om å få klasselister frå skulen. Vi ynskjer liste over telefon og epost til foreldre (unnateke evt. foreldre der desse opplysningane ikkje er offentlege/tausheitsbelagt) – slik at vi kan ha dialog / informere alle foreldre.
  
  Vi opplever å ha fått avslag på dette frå skulen. Skulen meinar dei ikkje kan/vil utlevere klasselister før eit evt. samtykke frå foreldre.
  Statsforvaltaren meinar dette (på generellt grunnlag) er feil Ein treng ikkje samtykke frå foreldra for å gje innsyn i opplysningar som ikkje er teiepliktige. (frå Statsforvaltaren si rettleiing til Høyanger kommune).

  Vedlegg

  • Klage, sendt 14. desember 2022 Les
    Fra: Jeanette Walsvik
    
    Sendt: 14.12.2022 15:32:56
    
    Til: Postmottak SFVL[sfvlpost@statsforvalteren.no]
    
    Tittel: Klage på manglande innsyn/offentleggjering
    
    Hei,
    Vi i FAU Høyanger har bede om innsyn i klasselister, men fått avslag (vedlegg: mailkorr 1). Vi har klaga på avlaget (mailkorr 1, 30. november 12:15).
    Skulen har delt ut klasselistene til klassekontakter (vedlegg: mailkorr2),
    
    Vi ser også at vestland fylkeskommune har bedt om- og fått innsyn i slike lister: postjournalføring Høyanger komnune
    
    FAU ynskjer ikkje særbehandling, men at innsynskravet vert handtert som ei ordinær innsynssak.
    
    For FAU Høyanger skule Jeanette Walsvik
    Leiar
    
    Last ned originaldokument
  • Vedlegg1 til klage Last ned
  • Vedlegg 2 til klage Last ned
  • Oversending av klage 22. desember 2022 (frå Statsforvaltaren) Last ned
  • Svar på klage frå Høyanger kommune, 3. januar 2023 Les
    Viser til oversending av klage frå Statsforvaltaren i Vestland, 22.12.22. Jamfør forvaltningslova § 33 skal forvaltningsorganet ved klage sjølv vurdere saka på nytt.
    
    Høyanger skule viser til vedlagde e-post i oversendinga, vedlegg mail 1, der rektor i e-post 24.11.22, ønskjer dialog med FAU for å drøfte praksis i samråd med føresette sine representantar ved skulen. Det vert i same e-post presisert at skulen ikkje har gitt eit avslag om utlevering av klasselister. Rektor stadfestar i svar 09.12.22 at FAU vil få utlevert klasselister etter at skulen har sikra listene for teiepliktige opplysningar, gjennom å innhente samtykke frå føresette. Høyanger skule stadfestar med dette at FAU ikkje har fått avslag på førespurnaden om utlevering av klasselister.
    
    Høyanger skule har sett i gang utarbeiding av samtykkeskjema. Dette må godkjennast i oppvekst kommunalt før utsending, då alle samtykkeskjema skal vere like i kommunen. Desse vil vere klare medio januar, der klasselister vidare kan genererast så snart føresette har svart.
    
    Last ned originaldokument
  • Statsforvaltaren si rettleiing om klasserlister til Høuyanger kommune, 5. januar 2023 Les
    Rettleiing om rett til innsyn i klasselister
    Vi viser til tidlegare e-postkorrespondanse om FAU sitt krav om innsyn i klasselister ved Høyanger skule.
    Vi rettleiar på generelt grunnlag, og tek ikkje stilling til konkrete saker.
    
    Klasselister er eit offentleg dokument ein kan krevje innsyn i
    Klasselistar er offentlege dokument som ein kan krevje innsyn i etter offentleglova § 3. Dette betyr at skulen/kommunen i utgangspunktet skal utlevere klasselistene dersom nokon ber om innsyn i dei.
    Dersom skulen/kommunen ikkje gir innsyn, må dei ha ein særleg heimel for dette. Dersom klasselistene inneheld teiepliktige opplysningar, kan ein nekte innsyn i desse opplysningane. Opplysningar om elevane sitt namn, adresse, telefonnummer og eventuelt fødselsnummer er normalt ikkje teiepliktege, men dei kan vere det dersom eleven til dømes har hemmeleg adresse eller telefonnummer, eller at adressa avslørar at eleven bor på barneverninstitusjon.
    
    Skulen/kommunen skal vurdere om klasselistene inneheld teiepliktige opplysningar når dei får innsynskravet. Ein treng ikkje samtykke frå foreldra for å gje innsyn i opplysningar som ikkje er teiepliktige.
    
    Nærmare om tilfelle kor klasselistene inneheld teiepliktige opplysningar
    Dersom klasselistene inneheld teiepliktig informasjon, til dømes opplysningar om spesialundervisning eller særlege behov elevane har, skal ein ikkje gje innsyn i desse opplysningane.
    Når eit dokument inneheld nokon teiepliktige opplysningar, er resten av dokumentet likevel offentleg. Det vil seie at skulen/kommunen må gi innsyn i dei delane av klasselistene som ikkje inneheld teiepliktige opplysningar, til dømes ved at ein sladdar dei teiepliktige opplysningane.
    
    Reglar for korleis innsynskrav skal handsamast
    Når skulen/kommunen får eit innsynskrav, skal dei avgjere kravet utan ugrunna opphald.3 Dette inneber at innsynskrav skal avgjerast så snart som det er praktisk mogleg, og vanlege krav bør avgjerast same dag som dei er mottekne, eller i alle fall innan ein til tre verkedagar.4
    Avslag på innsynskrav skal vere skriftlege, og ein kan klage på avgjerda.
    
    
    Med helsing
    
    Mats Petter Sydengen, seksjonsleiar
    Hilde Alme, rådgjevar
    
    Last ned originaldokument

  Vedtak

  Vi ventar inntil vidare på at dei to vert einige om kva som er rett praksis, evt at skulen får samtykke frå alle foreldre og slikleis leverer ut klasselistene. Vi får vurdere å følge dette politisk og kanskje statsforvaltaren om ikkje oppvekstleiinga kjem til ei løysing innan rimeleg tid.