Tema:
Kommunikasjon skule-heim
26 Jan 2023, FAU, Høyanger skule >
Innspel til skulerute
Drøfting
Skulerute for komande skuleår finns
her
Kommentar til 2022-2023: Det er litt rart at siste skuledag før sommarferien er ein mandag (Måndag 19. juni). Kunne ein då heller ungått å ha SFO og skule stengt 2. januar?
FAU ynskjer eit infoskriv om innskuling: Kva er formålet og opplegget kring dette.
Er det nødvendig å halde SFO steng Torsdag 17. og fredag 18. august? Då har gjerne folk akkurat begynt på jobb att etter ferie. Kan planlegge litt gjennom sommaren?
Det er kome eit brev som tek opp dette med sommarstengt SFO i heile juli. Nokre moment frå brevet FAU ynskjer framheve:
1) For mange foreldre er dette ein vanskeleg kabal å løyse med tanke på at foreldre er i arbeid, og ikkje alltid får bestemme eigen ferie. Foreldre med berre ein forelder er ekstra sårbare
2) Sommarmånaden juli er det tidsrommet er då alle prisar på sommaraktivitetar,overnatting, reiser med meir er på det dyraste.
3) Om vi summerer: Det vert nytta 21 feriedagar i juli + 3 planleggingsdagar der SFO er stengt. Då sit ein att med ein einsleg feriedag som kan disponerast.Vedlegg
- Brev ang. sommarstengt SFO Last ned
Vedtak
Hadde det vore aktuelt å vurdere nokre alternativ:
1) Halde stengt ei veke kortare?
2) Skyve stenginga ei veke mot juni eller august?
3) Andre aktivitetstilbod (i arbeidestida) for ungar i dei minste klassane.
4) Samarbeid med barnehagar?
Uansett bør dette baserast på behov/undersøkingar hjå alle foreldre.
Vi håpar det finns ei løysing – og om ikkje så håpar vi på ei god grunngjeving :-)Brev frå rektor og tilsette
Drøfting
Forrige møte hadde vi besøk av rektor og lærarar i FAU. Som eit substitutt for å signere referatet, kom eit brev frå desse. Det er godt og nyttig med skriftlege attendemeldingar. Vi gjekk gjennom, og svara ut. Brevet i sin heilskap ligg som vedlegg.
FAU fekk ikkje diskutert brevet noko meir enn del for del på dette møtet – så det er mogleg heilskapen i brevet vert drøfta vidare på eit seinare møte. Vi vil berømme rektor og dei tilsette for eit ope og ærleg brev, som tydleggjer utfordringane i dialogen mellom FAU og skulen/kommunen. Dette var også noko vi tok opp på møtet med dei, der vi la fram vårt syn på premissa for dialogen:
Vi les brevet slik skulen og dei tilsette der ikkje er heilt einige med vår tolking av dette.
Gjennomgang del for del:
Det er ønskjeleg frå skulen at FAU nytter tenesteveg i saker de ønskjer tilbakemelding og dialog om.
FAU: Notert. Vi vil likevel understreke at FAU er eit frittståande organ som ikkje har nokon tenesteveg. Dette har vi fått stadfesta frå FUG og statsforvaltaren.
Frittståande brev og spørsmål som ikkje vert tatt via rektor, og eventuelt vidare til Samarbeidsutvalet, kan de mest sannsynleg ikkje vente å få svar på.
FAU: Som vi tok opp i møtet meiner vi forvaltningslova regulerer forholdet mellom FAU og kommunen. Kommunen kan ikkje fråskrive seg å drive sakshandsaming av inngåande post frå sjølvstendige individ og/eller organ, sjølv ikkje frå FAU.
Sidan FAU representerer ein samarbeidspart til skulen er det ønskjeleg at saker vert drøfta med rektor/skulen fyrst, og at rektor vert orientert.
FAU: Notert
Det er ønskjeleg at FAU viser spørsmål frå føresette vidare til kontaktlærar og/eller klassekontaktane. Ved behov for vidare dialog kan dei ta kontakt med leiinga (avdelingsleiar eller rektor). Skulen ønskjer at føresette tar direkte kontakt og så snart som råd.
FAU: Litt uklart om skulen meiner at FAU ikkje skal handsame spørsmål frå føresette? FAU ynskjer ikkje å handsame enkeltsaker – men basert på ei eller fleire hendvendingar; ser vi på saker frå eit overordna systemperspektiv. FAU vil sjølvsagt oppmode foreldre om å ta relevante saker opp med kontaktlærar.
FAU må skilje mellom einskildførespurnad og systemsaker, og vurdere kva som bør liggje på sakliste og kva som er interne spørsmål/drøfting og/eller orienteringssaker.
FAU: Ref svar på forrige punkt. Om der er saker skulen/kommunen meiner vi feilaktig har sett på sakliste - tek vi gjerne i mot innspel.
FAU har sendt førespurnad til tilsettgruppa ved skulen med ønskje om uttale om si eiga framferd for å tilpasse/justere arbeidsform. Sidan de er føresette sine representantar er det kanskje aller viktigast å hente inn denne tilbakemeldinga frå den gruppa de representerer. Vi vil difor oppmode dykk om å ta same dialog med føresette.
FAU: Bakgrunn for at vi inviterte tilltitsvalde for lærarane ligg i referat av 7. november. Når det gjeld kontakt med føresette viser vi til sak om klasselister – der vi har venta kontaktinformasjon til føresette frå skulen sidan november.
Skulen vil oppmode FAU om å vurdere si eiga nettsida, både layout og innhald.
FAU: Kom gjerne med konkrete innspel på layout.
Tilbakemeldingar på denne:
• Skulen ønskjer at e-post utvekslingar er å rekne som intern dialog. Dersom det er ønskjeleg å publisere noko av dette bør det gjerast i samråd med avsendar. I hovudsak meiner vi publiseringar av dialog bør skje gjennom møtereferat.
FAU: FAU har stor forståing for at skulen og dei tilsette på skulen vert provoserte om eit slikt syn ligg til gunn. FAU meiner derimot at offentlegheitslova gjeld også for Høyanger skule: All inn og utgåande (e)post er etter den å rekne offentleg informasjon (med mindre ein har heimel til å unnta offentlegheit). FAUhar tidlegare munnleg etterlyst elektronisk postjournal og meir open informasjon frå skulen si side. Skulen har ikkje lov å unnta ordinær dialog med FAU frå offentlegheita. Vi har likevel i saker bede om stadfesting på korvidt svar frå skulen er å rekne som skulen sitt ofisielle svar.
Skulen, og spesielt dei tilsette, reagerer på at einskildutsegn og meldesaker vert publisert. Dette bør FAU loggføre internt.
FAU: Vi kjenner ikkje så godt til desse to begrepa. Vi tek gjerne i mot konkrete innspel til saker de meiner er av denne typen.
Generelt vurdere balansen mellom positive og negative saker.
Er FAU omdømmebyggjar eller internkontrollør?
FAU: Foreldrerådets arbeidsutvalg (FAU) er foreldregruppens talerør.
Rektor ønskjer i større grad ei meir systematisk kommunikasjonslinje, og i større grad i dialog/møte. Ber om at saker vert samla opp og at det er høve til å diskutere saker som ikkje direkte kan svarast ut. Rektor kan inviterast til møte.
FAU: Vi ser ein risiko ved at mykje av kommunikasjonen skjer munnleg, og at ein i tillegg frå skulen si side ikkje ynskjer at skriftleg kommunikasjon vert offentleg. I møtet 7. desember gjekk vi gjennom kvifor vi meiner det er viktig med skriftleggjering. Vi ynskjer likevel å understreke at vi er opne for møter.
Skulen ønskjer å oppmode FAU om å sjå på aktuelle problemstillingar knytt til foreldreengasjement. Kva og korleis samarbeide med klassekontaktane?
FAU: Vi har hatt dette oppe som eit tema, og ynskjer å bidra i dette arbeidet.
Sidan målsetjinga dykkar er å justere/tilpasse arbeidsform er det ønskjeleg for skulen å få ei attendemelding, etter at de har drøfta dette med føresettgruppa.
Med von om ein vidare betre dialog.
For Høyanger skule,
Gro Hommedal
Rektor
Ida Linde og Ole Morten Senneset
Lærarrepresentantar i SamarbeidsutvaletVedlegg
- Tilbakemelding frå rektor og lærarar frå møte i FAU 20. jan. 2023 Les
12 Jan 2023, SMU, Skulemiljøutvalet >
FAU si orientering
Drøfting
Fortel om offentleg open nettside som dei har fått opp og gå. Der kan alle føresette lese referat og orientere seg om saker som vert jobba med. Stort spenn i saker dei har jobba med; alt frå fysisk tilrettelegging, prosedyrar og skulemiljø.
Nytta i 2020-2021 mykje tid på trafikktryggleik, 21-22 på dialog og kommunikasjon og i år har dei skule- heim og samarbeid med klassekontaktane som satsingsområde.
FAU fekk spørsmål om klagesak som er sendt frå dei til Statsforvaltaren. FAU seier at dei er blitt utfordra på å auke foreldreengasjementet og difor treng å kome i kontakt med alle føresette. Det er difor sendt førespurnad til skulen om klasselister, som skulen ikkje har kome i møte, og då difor sendt klage. Representantane i SU seier dei ikkje veit så mykje anna i saka då dei ikkje har vore direkte involvert.07 Dec 2022, FAU, Høyanger skule >
Reaksjonar hjå lærarane på FAU si framferd
Drøfting
FAU har oppfatta uformelle signal om at vi i FAU og deler av arbeidet vi gjer (kanskje mest måten vi gjer det på) – ikkje står høgt i kurs hjå alle tilsette på skulen. Vi har ikkje fått nokre opne/formelle attendemeldingar om dette – men dette var bakgrunnen for at vi ville invitere tillitsvalde til dette møtet.
Saka vart drøfta med stort engasjement men i sømelege rammer frå begge partar. I hovedpunkt var dette momenta som dei to partane tok tok til torgs:
Lærarane sitt syn:
- Etter de spelte dette inn har vi hatt dette oppe i avdelingsmøtene på skulen.
- Vi sit med ei oppleving av FAU i nokre saker er ute etter å «ta» skulen/lærarane – spesielt med det som vert skrive referat frå FAU: Døme frå saka om mat og måltid. Her er det unødvendig å skrive dei konkrete attendemeldingane. Skriv heller at saka har vore diskutert og at ein har fått nokre attendemeldingar! Vi har spurt alle klasselærarane og ingen kjenner seg att i desse punkta
- Når de får slike meldingar så sei i frå til oss, den læraren det gjeld - eller til rektor om den eller den klassen, slik at vi kan ta tak i dette.
- Tenk på korleis referata vert oppfatta t.d. om nokon som skal flytte, eller ynskjer å flytte til Høyanger les dei. Dei skapar dårleg omdøme.
- Vi får desse sakene rett i fleisen i eit referat som ligg offentleg ute på nettet.
- Kvifor går de «bakvegen» og inviterer tillitsvalde til FAU, slik de har gjort med tillitsvalgte til dette møtet?
FAU sitt syn:
- Vi er ikkje ute etter å ta skulen. I referatet står nokre innspel som var komne frå foreldre i saka. Vi skal representere alle foreldra på skulen, og vi er opptekne av at vi skriv konkrete og utfyllande nok referat.
Etter ein liten debatt i FAU, der vi sat med ei oppfatting av at det er sprikande praksis når det gjeld avvikling av måltid; vart det fatta eit vedtak om at vi ville spørje skulen om dei hadde nokre retningslinjer for mat og måltid på skulen. - FAU ynskjer ikkje å engasjere seg i enkeltsaker. Vi legg til grunn at samspelet mellom kontaktlærar, klassekontakt og foreldre/elev fungerer. Når vi får attendemeldingar frå foreldre, er vi tydelege på at dei må ta dette med kontaktlærar eller rektor – evt gå vidare til mobbeombod eller statsforvaltar. Vi noterer oss likevel ofte sak/kontakt. Basert på melding, eller fleire meldingar – drøftar vi temaet det gjeld, slik vi har gjort med mat/måltid i denne saka.
- Vi er skeptiske til at FAU engasjerer seg direkte mot kontaktlærar, eller om den enkelte klasse via rektor:
1) Det vil kunne opplevast som eit angrep på kontaktlærar om FAU og ikkje foreldre tek eit tema til torgs.
2) FAU har sjeldan innsikt i sakene, og evt. prosessar som gjerne pågår rundt desse– og vil engasjere seg på tynt faktagrunnlag. Kan hende det ikkje er ei sak i det heile.
3) Om ikkje foreldre eller klassekontakter eksplisitt ber om hjelp til å fremje ei sak for kontaktlærar eller rektor, vil vi ikkje initiere dette. Om dei ikkje tek dette opp med kontaktlærar, kan det tyde på at dette samspelet ikkje fungerer optimalt. - Offentlege referat: Vi skal representere alle foreldrene og har gjort eit val om å ha fyldige referat og i størst mogleg grad legge ut bakgrunnsinformasjon (mailkorrespondanse osv) i dei ulike sakene. Vi ser dette kan ha nokre ubehaglege sider, men har gjort eit bevisst val – og meinar det er viktig. Vi har ved fleire høve etterlyst openheit og referat frå skulen sine organ. Målgruppa vår er medlemene våres, foreldrene på skulen. Om ein er oppteken av omdøme på nett, kunne ein t.d. hatt heimesida til skulen i tankane.
- Invitasjon av tillitsvalde: Med bakgrunn i dei uformelle signala om at det var litt sinne mot FAU hjå lærarane inviterte vi tillitsvalde. Vi var ikkje klar over at dette vart tolka som bakvegen; då vi ser på det som naturleg å nytte tillitsvalde i slike prosessar – og at det ikkje er naturleg å velge/kontakte repr. til SU i staden.
- Forrige skuleår engasjerte vi oss i å legge strategi og infrastruktur for FAU – samt uteområdet. I år ynskjer vi også å i større grad engasjere oss i innhaldet i skulekvardagen. Dette vil nok opplevast som uvant for dei tilsette. Det er godt å få tilbakemeldingar på korleis de oppfattar væremåten vår, og vi skal drøfte dette og innspela de har kome med i det vidare arbeidet.
Begge partar var enige om at det vart godt og viktig å drøfte saka, og vi var einige om at det var nyttig med eit slikt møte.Klassekontaktane si rolle i foreldremøta
Drøfting
FAU har gjort ei lita spørjeundersøking om årets foreldremøter. Resultatet ligg ved og vart gjennomgått i plenum.
Konklusjonen var at vi har kome litt vidare, men likevel litt att før vi er der vi ynskjer. Vi vart einige om eit felles mål om at vi at fleire foreldremøter skal ha gruppearbeid. Men det var erfaringa med at gruppearbeid kan vera kleint, og føre til at foreldre ikkje kjem – men også gode erfaringar frå dette. Vi får drøfte det litt både hjå tilsette og i FAU korleis dette kan gjerast i praksis.
Alle klassar har svara.
Tok de som klassekontaktar aktivt del i ein større del av foreldremøtet?
Vi var ikkje veldig aktive 0 Vi var litt aktive 9 Vi var aktive og bidrog i store delar av møtet 3 Ingen formeining 0 Var det dialog mellom klassekontakt og lærar i forkant av møtet?
Kun om praktiske ting som tid og stad 5 Litt dialog 6 Vi hadde mykje dialog før møtet 1 Henta klassekontaktane inn relevante problemstillingar i forkant av møtet?
Nei 3 Ja 8 Veit ikkje 1 Var det gruppearbeid på foreldremøtet?
Nei 11 Ja 1 Veit ikkje 0 Kor stor del av foreldremøtet var informasjon frå kontaktlærar?
Største delen av møtet 5 Om lag halve møtet 2 Mellom halve og heile møtet 2 Mindre enn halve møtet 3 Veit ikkje 0 Kva for tema blei det snakka om i klassekontaktane sin del av møtet?
Sosiale aktiviteter for hausten. Spesielle hendingar som pregar elevar + klassemiljø
Sosiale aktivitetar vi ønskjer å gjere dette skoleåret.
Snakka òg om korleis miljøet i klassen er, om utfordringar og korleis vi foreldre kan bidra littOvernatting på skulen.
Halloweenfest.
Det sosiale i klassen.Tema var halloween party for klassen og språkbruk blandt barna.
Bursdagsfeiring og sosiale tilstelninger for klassen
Klassekontaktane sine oppgaver.
Sosialt i klassen.Sosial hending for klassen (blei gjennomført Halloween- fest). Stort engasjement kring praktiske fag og samtaler rundt gruppestorleik, arbeidsbenker, utstyr til å hjelpe seg med. Tid i aktivitet per barn. Klassen får eit ikkje optimalt tilbod grunna stort kull?
Info om nytt lågterskel tilbod innan psykisk helse for elevar og/ eller foreldre i regi av Høyanger kommune.Bursdager, lavterskel for å kontakte foreldrene i mellom når,om og hvis det skulle oppstå noe problem,sosiale sammenkomster.
17 mai planlegging.
Tur til Galdhøpiggen som plaster på såret for avlyst leirskule, pepperkakebaking, evt. andre sosiale aktiviteter som samla klasse.
Sosiale tiltak for borna
Tilhøva i sløyd fagetBlei det lagt til rette for frå kontaktlærar, slik at klassekontaktane fekk eige sin del av møtet?
Nei 0 Ja 12 Veit ikkje 0 I starten av skuleåret oppmoda skulen klassekontaktane om å ta større del i foreldremøtet. Korleis blei oppmodinga oppfatta?
Vi tok det til oss og engasjerte oss 9 Vi oppfatta oppmodinga, men vi engasjerte oss ikkje så mykje 3 Vi har ikkje fått med oss denne oppmodinga 0 Informasjon, skriftleggjering og openheit
Drøfting
FAU
Gjekk gjennom figuren her, som viser rammene for kommunikasjon mellom FAU og skulen/kommunen slik FAU ser det.
FAU er foreldre med ulik bakgrunn og ulike føresetnader for arbeidet i FAU. FAU kan føle og det kan ikkje stillast forventningar til at FAU skal vera profesjonelle. Dette er frivillig/fritid engasjement, med avgrensa tid til disp. FAU har i liten grad, og kan sjeldan basere seg på førstehandsinfo; vi får gjerne informasjon frå foreldre, lærarar eller andre som vi ikkje har høve til å verifisere. FAU kan høyre på alle, snakke med alle – men skal representere alle foreldre; ikkje grupper eller seg sjølve som enkeltrepresentantar.
Skulen/kommunen/lærarar er profesjonelle, som (dessverre) må handtere både vaksne (FAU) og ungar på ein profesjonell måte, og kan i mindre grad la kjenslene styre. Her har ein ofte:
• tilgang til førstehandsinfo
• kjenner faget og ofte sakene betre
• kjenner til andre dimensjonar enn det FAU har tilgang til.
Dette er informasjon de(i) gjerne ikkje kan dele med FAU for å opplyse ei sak. Gruppa her er også låst til å i større grad lojalt følge linja, og uttale seg som repr. for kommunen.
Dialogen mellom desse partane vil vera prega av ulike ytringskulturar. Personar i FAU vil kome frå alle lag og grupper i samfunnet – der diskusjonar og dialog vert ført på ulike måtar – og med ulik terskel for å skrive ned, drøfte og vera uenige. Dette gjeld både i kommunikasjonen internt i FAU, og med eksterne partar som t.d. skulen og kommunen. Tilsette i skulen/kommunen har derimot ein felles ytringskultur, hierarki og konvensjonar for kommunikasjon. FAU vert då eit framandelement som stiller spørsmål og agerer på ein måte som vert oppfatta som brot på konvensjonar – gjerne med kjensler, tynt grunnlag og utan forståelse for faget/skulekvardagen.
FAU forventar at i vår dialog med kommunen/skulen vert forvaltningslova og offentlighetslova lagt til grunn. Når FAU skriv til skulen/kommunen vert det handsama i rammene for dette. Det er ein risiko for at vi vert oppfatta som enkeltpersonar som snakkar/skriv i ein uformell dialog. Dette er skummelt, og gjennom skriftleg dialog og referat, som vi legg ut slik at medlemmane kan lese, ynskjer vi å sikre at dialogen og innhaldet i prosessane vert gjengitt på ein rett og etter-retteleg måte.Vedlegg
- FAU vs Kommunen
Last ned
10 Nov 2022, SU, Samarbeidsutvalet >
Informasjon frå lokalt organisasjons- og kulturliv (SU)
Drøfting
Rektor gjekk gjennom gjeldande praksis og korleis prosessen har vore i kommuneleiinga.
Lærar: Er det ei slik tavle for 10. klasse (som er på vidaregåande)?
Elev (10. kl): Det vert litt på ein annan måte.
Elevråd:
Det er bra med plakatar, men det vert ikkje prata i klassen om dette. Vi ynskjer heller plakatar enn besøk som møter opp. Men 8. kl vil ha besøk frå andre.
Vi sjekkar med Sjur Håvard om kva som vart konklusjonen i elevrådet når saka vart drøfta der
Ole M: Kor lenge har denne tavla vore oppe. Burde vi prøvd den litt ut før vi treng å forandre? Eg har ikkje diskutert dette med lærarane, anna enn eit par andre lærarar.
Rektor: Morten (leiar for 8-10) har løfta spørsmål om det kunne vore lagt til rette for ein arena der lag/org kan presentere seg.
Ida: Veldig greit med tavla. Få folk inn i klasserommet er forstyrrande og legg press på deltaking. Det er foreldrene som må ta ei avgjerd om deltaking, og det bør ikkje marknadsførast mot ungane. Foreldrene i 5-7 etterlyser litt det same som Morten melder frå 8-10, om ein arena der lag/org kan presentere seg.
Tavla skulle gjerne vore større, den er allerede full.
Elev: Greit i dei eldre klassane at der er besøk, men ikkje dei yngste. På vidaregåande er lag og organisasjonar aktive med informasjon i friminutta.
Siv: Kva ligg i kulturliv: Ei turnering? På SFO går ikkje slikt utover undervisning. Fleirtalet av tilsette på SFO ville ha ei samla oversikt med alle tilboda i Høyanger. Flyers som kjem ut ein gang i året. Men sjølv trur eg dette vil bli vrient då halltider endrar seg og tilbodet er dynamisk gjennom året.
Jeanette: Flott de har hatt slike prosessar i klassar og kollegiet. Foreldregruppa er enige om at det ikkje er grunn til å forby ranselpost. Las opp vedtak frå FAU.
Ida: Eg etterlyser det vi tok opp på dialogmøtet om ei fellesløysing for kultur.
Rektor: SU kan sende førespurnad til kultur. Eg kan lage eit utkast.
FAU-leiar: Det er viktig at born og unge vert inkludert i fritidsaktiviter.
Rektor: I utgangspunktet er det slik at skulen ikkje har noko med det som skjer av fritidsaktivitetar og på fritida.
FAU: Er uenig. Skulen har ei viktig rolle som aktør og institusjon i lokalsamfunnet også for det som er utanom skuletida. Det som skjer på fritida påvirkar skulekvardagen.
Ida: Kan FAU sette opp eit framlegg til reglar. Desse bør omfatte elevbedrifter også.
FAU: Vi kan gjera dette. Vi delar då elevbedrifter i dei på skulen og andre elevbedrifterVedtak
FAU utarbeider framlegg til reglar09 Nov 2022, FAU, Høyanger skule >
Invitasjon av rektor til FAU
Drøfting
Rektor har meldt inn ynskje om å møte i FAU.
Sakene som er meldt inn frå skulen er:
- Tilbakemelding frå klassekontaktane om oppmodinga vi hadde ved skulestart, om at dei skulle ta meir aktivt del i foreldremøta. Korleis fungerte det? Var det dialog mellom klassekontakt og lærar i forkant av møtet? Henta klassekontaktane inn relevante problemstillingar i forkant av møtet? Kva for tema blei det snakka om i klassekontaktane sin del av møtet? Blei det lagt til rette for frå lærar at klassekontaktane fekk eige sin del av møtet? Korleis blei denne oppmodinga generelt oppfatta? Fint om de kan hente inn tilbakemelding frå klassekontaktane på desse spørsmåla, så kan vi setje det på agenda.
- Dialog og kommunikasjon skule – heim. De sette dette på agenda i SU, og har fått tilsvar. Eg tenkjer vi kan snakkast litt meir på detaljnivå om dialog mellom føresette-FAU og FAU-skule.
- Foreldreengasjement. Oppmøte og deltaking.
Saker som førebels er aktuelle er:
- Informasjon, skriftleggjering og openheit. Til kva, i kva grad og kvifor
- Leksetid
- Når FAU involverer og engasjerer seg....
- Mat og måltid på skulen
- (Skule)bibliotek: I SU i mai står det i referatet at rektor skal ha møte med kommunalsjef oppvekst og kultur før sommaren der dette er temaet. Oppdatering frå møtet + stoda.
- IKT-situasjonen
- Juleavslutning(ar)
Vi einast om prioritert saksliste når møtet nærmar seg.
FAU ynskjer også å kome i direkte dialog med lærarane på skulen – då vi for det meste har kontakt med leiinga ved skulen. Det vert kanskje opplevd som litt nytt og uvant at eit FAU engasjerer seg slik FAU har gjort siste året. Vi ynskjer å tilpasse/justere arbeidsform og framferd slik at dette skjer på mest mogleg konstruktivt vis. Skuleleiinga kan i form av si rolle ikkje alltid «seie det som det er», eller vidareformidle ikkje-formelle signal frå dei tilsette på skulen. Difor ynskjer vi å invitere lærarane sin tillitsvalgte til dette møtet også.Vedtak
Lars Jonas sender ein mail med invitasjon til neste FAU-møte 7. desember kl. 1900. Vi inviterer plasstillitsvald (Sonja Aardal) og rektor.Attendemelding frå rektor
Drøfting
Vi har sendt over nokre saker for uttale frå skule/rektor. Sakene det gjeld er:
• Leksetid (sak FAU 17. oktober).
• Mat og måltider (sak FAU 17. oktober)
I begge desse sakene har vi fått fyldige svar, men skulen «Ber difor om at de nyttar desse svara til intern drøfting». Vi vil difor ikkje legge ut desse svara. Men i begge sakene poengterer skulen at dei er basert på «nokre attendemeldingar», og talet på attendemeldingar er vesentleg. Vi bør difor gjennomføre ei eller anna form for undersøking som avdekkar om dette gjeld nokre få eller mange før vi går vidare med sakene.27 Oct 2022, SU, Samarbeidsutvalet >
Dialog og samarbeid
Drøfting
Bakgrunn (Sak meldt inn av FAU)
FAU har etterlyst ei opa nettside der foreldre kan få oversikt over ulike planar, referat og reglar som er gjeldande for skulen. Slik det er no får vi t.d. planar på høyring, som vi ikkje visste eksisterte. Dette gjer også at eigarskapen til planane vert svært mangelfull. Om ein ikkje har tilgang til planar og referat er det vanskeleg å engasjere seg - og å få innsikt i strategiar tankar som ligg til grunn for drifta. Det gjer nok at mange av planane kanskje også vert skrivebordsplansar. Når det gjeld referat hadde det vore fint med oversikt/litt info over ulike organ og referata frå desse: Elevråd, SMU, SU, rektormøter, AMU osv…
Oppvekstsjef:
Det ligg planar på kommunen si heimeside
FAU: Nei, vi kan ikkje finne desse. T.d. ser vi det i forrige utval for oppvekst var godkjent ein revisjon av plan mot mobbing. Er ikkje denne naturleg å ha innom FAU / skulane?
Oppvekstsjef:
Det er mogleg desse er vekke ism. Omlegging til ny nettside.
Rektor:
Nye planar vert det involvert bredt. Dette var ein revisjon, då er det nokre der ikkje blir køyrt brei høyring på. Vi har vore litt i limbo på dette. Om skulen skal ha eiga heimeside, eller vi no skal leggast under kommunen si heimeside. Vi må også bestemme oss om kva som skal ligge i Visma og kva som skal ligge på ei evt. nettside.
Kommunerepr.
Planar av offentleg interesse bør ligge på kommunen si heimeside.17 Oct 2022, FAU, Høyanger skule >
Leksetid
Drøfting
Info frå skulen: Høyanger skule vil i skuleåret 22-23 gje eit tilbod om leksetid for
3. og 4. klasse. Leksetida er tysdag, onsdag og torsdag klokka 07.45-08.15.
Slik FAU har hugsar det, er leksetida flytta frå ettermiddag (etter skulen ca tysdag og torsdag) til morgon 0745-0815 tysdag til torsdag.
Med leksetid på dette tidspunktet vil det vera vrient for foreldre å sjekke leksene, og om ungane skal ete frukost begynner tidsskjemaet å bli tett.Vedtak
1) Vi forfattar ein mail til skulen/rektor, der vi spør:
Kva er bakgrunnen for denne endringa
Kor mange nyttar seg av dette vs. tidlegare
Er tidspunktet evaluert, evt vil den bli evaluert?
2) Vi lagar ein vote på FAU-sida om tidspunkt
Evaluering av klassekontaktmøtet
Drøfting
Store delar av informasjonen på møtet var veldig relevant også for dei som ikkje er klassekontaktar, og det var mindre informasjon som gjaldt spesifikt rolla som klassekontakt.
Det bør avklarast referent før møtet. No vart det litt klein stemning.
Kan ein ha det utanom ordinær arbeidstid? Barnevern og PPT møtte ikkje – og slik FAU har forstått det var det desse som ville ha det i arbeidstida?24 May 2022, Dialogmøte >
FAU: Etterlyser inkludering
Drøfting
FAU løfta fram nokre konkrete prosessar vi meinar har forbetringspotensiale. Både elevråd, FAU og SMU bør i større grad involverast i prosessen.
• Budsjettprosessen: Her er det lite innsikt, vanskeleg å vinne fram, og elevar og foreldre er ikkje involvert.
• Skulebibliotek: Skulen har ikkje skulebibliotek. Her har ikkje FAU vore involvert. FAU har fått fleire attendemeldingar frå foreldre og lærarar som er skeptiske til løysinga med biblioteket i sentrum som skulebibliotek.
• Ordensreglar: Her var kun dei gamle ordensreglane på høyring før ein utarbeidde nye ordensreglar - og vedtok desse utan høyring.
• Ipad / digital undervisning: Skulen har innført dette utan at kommunen har noko plan eller rammer for digitalisering, og utan å involvere elevar og FAU. Ein del lærarar har også uttrykt skepsis, og kjenner seg ikkje involvert i prosessen. Ein har ikkje hatt E-pedagogar på skulen. Skjerm og skjermtid er ei utfordring og digitalisering er omdiskutert. Å overlate digitaliseringen til den enkelte lærer og skole er ikke en tillitserklæring, men en unnlatelseFAU: Informasjon og samarbeid
Drøfting
FAU og rektor har etterkvart fått ein god og konstruktiv dialog.
FAU ynskjer likevel:
• Skulen og oppvekst bør utarbeide ein informasjonsstrategi/plan der det går fram når, korleis og kva vi som foreldre, elevar osv. kan forvente av informasjon
• Skulen bør få tilført/sette av ressursar dedikert til informasjonsarbeid
• Nettsida har veldig mykje utdatert innhald, og vi ser skulen slit med å vera ajour på denne.
• Det i større grad bør skrivast og bli publisert referat frå ulike fora, og høyringssvar på planar skal samlast og publiserast.
• Alle bør sikte mot ein openheitskultur, der vi er opne om utfordringar, prosessar som pågår og forventningar.
• Vi ynskjer skulen i større grad aktivt informerer FAU, elevar og foreldre om prosessar, utfordringar og aktivitetar.
• Informasjon mellom SMU og politikarar fungerer dårleg.
11 May 2022, Samarbeidsmøte rektor og FAU >
Foreldreengasjement
Drøfting
Skulen:
Skulen opplev tidvis lågt foreldreengasjement; deltaking på foreldremøte, initiativ og samarbeid med klassekontaktane, respons på foreldreundersøkingar og anna «svar – ut» - førespurnader frå skulen.
FAU svarar:
Vi har tidlegare etterlyst meir og aktiv informasjon frå skulen. Om skulen får på plass dette, trur vi det blir lettare å engasjere seg.
Skulen bør også sjå på korleis dei gjennomfører av foreldremøter. Sjå gjerne veiledaren som ligg ute. Gruppearbeid og dialogbaserte møter er stikkord
17 Nov 2021, SMU, Skulemiljøutvalet >
SFO og Visma
Drøfting
FAU støtter framlegget, men forutset at skulen etablerer og iverksetter felles praksis for bruk av VISMA hjå lærarar/personal.
08 Nov 2021, FAU, Høyanger skule >
SFO og bruk av Visma
Drøfting
Orienteringssak.
Frå foreldre: Det vert opplevd ulik praksis frå klasse til klassesteg. Nokre lærarar ynskjer t.d. sms på privat telefon.
Vedtak
FAU støtter framlegget.
FAU ynskjer og forutset at skulen etablerer og implementerer felles praksis for bruk av VISMA hjå lærarar/personal.
Kommunikasjonsplatform
Drøfting
Vedtak
Bør setjast av ressursar til informasjonsarbeid på innhaldssida – og skilje dette frå teknisk drift av appar og heimesider.
Skulen er ein viktig institusjon og informasjon som ikkje er personleg bør ligge ope på internett/internettsida.
Uansett teknisk løysing: Skulen må ha ein plan for kva som skal ligge kor, og kven som skal oppdetere informasjonen og fjerne utdatert info
Covid-rutinar
Drøfting
Vedtak
FAU ynskjer å sjå kva rutinar skulen har ism. evt COVID-utrbrot på skulen. Då med spesielt fokus på informasjonsrutinar.27 Oct 2021, SMU, Skulemiljøutvalet >
Meldingar frå føresette
Drøfting
SFO ønskjer lik praksis for meldingar frå føresette, og oppmodar om å nytte VFS app.
På denne måten sikrar ein at alle kan lese meldingane og at dei vert gitt på eit såpass tidleg tidspunkt på dagen at det er mogeleg å følgje opp (før SFO opnar). Dette gjeld
beskjedar om henting, avtalar m.m. FAU melder om at det er ulik praksis blant klassane om korleis ein ønskjer å få meldingar. Dette er forvirrande for føresette. FAU støtter lik praksis, men då bør det også vere likt for alle klassesteg og heile skulen. Det heng nok litt att etter koronaperioden, og skulen har vore fleksible i høve føresette sin kompetanse og bruk av systemet. Skulen er no attende til normal drift, og VFS systemet har vore operativt såpass lenge at alle skal ha føresetnad om å kunne bruke det. Ida har også lage ein enkel brukarmanual som kan rettleie føresette. Skulen må
sikre tilgang til app for alle tilsette då dei ikkje er pålogga systemet i skuletida.Utfordrande med foreldre-engasjement
Drøfting
FAU melder om at dei strevar med foreldre-samarbeid/-engasjement. Det er liten
respons frå klassekontaktane og det er vanskeleg å rekruttere medlemmar til FAU. Dei
jobbar med informasjonsflyt og plattform. Skulen kan bistå med informasjonsdeling
via sine plattformar. Det kom framlegg om at lærarane kan minne om engasjement på
foreldremøtene. Det kom framlegg om fast sakliste på foreldremøter som
klassekontaktane har ansvar for å følgje opp.
FAU har saka til vidare drøfting.FAU ynskjer tydleg og konsekvent kommunikasjonsplattform
Drøfting
FAU ønskjer tydlegare/konsekvent bruk at informasjon- og kommunikasjonsplattform
(sjå pkt a)). I tillegg blei bruk av heimesida drøfta. Treng skulen eigen heimeside no
når all informasjon ligg i VFS? Skulen melder om at heimesida er utdatert og mindre
og mindre i bruk dess meir VFS har vore nytta. Framlegg om å sjå på behovet for
heimeside, kva som eventuelt bør liggje der av informasjon. Kanskje kan det vere
felles overordna informasjonsplattform frå oppvekst, der einingane har eigen
informasjon i VFS? Skulen tar saka vidare til drøfting i oppvekst og på eininga.